Ylberofilia është organizata e parë dhe e vetme e drejtuar nga individë transgjinorë.
Misioni i saj është mbrojtja e të drejtave të njeriut dhe promovimi i përfshirjes sociale, mundësive të barabarta për një jetë dinjitoze dhe krijimi i një mjedisi të sigurt dhe të shëndetshëm për të gjitha grupet e margjinalizuara, me fokus të veçantë tek personat transgjinorë, të cilët janë ndër më të margjinalizuarit në shoqëri.

Vizioni ynë është të kontribuojmë në ndërtimin e një shoqërie të lirë nga çdo formë urrejtjeje, diskriminimi dhe shtypjeje, ku çdo individ ka mundësinë të përmbushë potencialin e tij të plotë.
Për të arritur këto synime, Ylberofilia ndërmerr një gamë të gjerë aktivitetesh, duke përfshirë:

– Programe për ngritjen e kapaciteteve dhe trajnime
– Seminare, fushata mediatike online dhe offline
– Kampe verore, shkëmbime kulturore dhe panaire
– Aktivitete artistike dhe kulturore
– Aktivitete sportive dhe punë vullnetarizmi
– Festivale, mbledhje fondesh dhe angazhim të aktorëve me ndikim
– Rrjete dhe partneritete, kërkime dhe ndryshime ligjore
– Programe arsimore, fuqizim shëndetësor, strehim dhe punësim profesional
– Sipërmarrje dhe aktivitete të tjera që shërbejnë për mbështetje dhe fuqizim të individëve transgjinorë dhe rinisë së margjinalizuar.

Ne angazhohemi për krijimin e mundësive dhe përmirësimin e kushteve të jetesës për personat transgjinorë, duke siguruar mbështetje të qëndrueshme dhe promovuar integrimin e tyre në shoqëri.